Qazaxıstanda "Loqopraktika-2017" Loqopedlər üçün ölkələrarası konfrans keçirilib. "OLAYLAR"-ın xəbərinə görə, 2 gün davam edən konfrans Qazaxıstanın Al-farabi dövlət universitetində baş tutub. Rik Defektoloji-Loqopedik Asosasiyasının və eləcə də dünyanın tanınmış loqopedlərinin iştirak etdiyi konfransda ölkəmizi Nitq İnkişaf Mərkəzinin rəhbəri Esmira Kazımova, Psixologiya və Nitq İnkişaf Mərkəzinin direktoru Esmira Qafarova, eləcə də Nitq İnkişaf Mərkəzinin loqopedi Gülnar Əliyeva təmsil edib. Konfransda çıxış edən Nitq İnkişaf Mərkəzinin rəhbəri Esmira Kazımova serebral iflicli uşaqlarla loqopedik işin təşkili və disqrafiyanin aradan qaldırılması barədə danışıb. Konfransda Esmira Kazımovaya Asossiasiya tərəfindən mükafat və Qazaxıstanin milli hədiyyələri təqdim edilib. Bundan başqa konfransın yekunu olaraq dərc edilən kitabda Esmira Kazımovanın "Aqramatik Disqrafiyanin aradan qaldırılması" adlı məqaləsi də derc edilib.