Kazımova Esmira Rafiq qızı 1991-2001 ci illərdə Bakı şəhər Sabunçu rayonu 96 saylı orta məktəbdə təhsil alıb. 2001-2005 ci illərdə Azərbaycan Dövlət Pedaqoji Universitetin Defektologiya şöbəsində təhsil alıb. 2014 - 2016-cı illərdə Saratov Dövlət Universitetinin Loqopediya fakultəsində magistr təhsilini alıb. Magistr diplom işinin adı "Erkən Autizm sindromlu uşaqlarda loqopedik işin təşkili" olub. 2005-ci ildən bu günə qədər xüsusi uşaqlar üçün 11 saylı dövlət məktəbində defektoloq-loqoped kimi fəaliyyət göstərir. Eyni vaxtda 2012-ci ildən bəri Nitq İnkişaf Mərkəzlərinin rəhbəri və baş mütəxəsisi kimi çalışır, Autizm qəzetinin redaktoru, Türkiyədə Disleksiya vakfının yazarı və quruculuğunda çalışır. İlk Azərbaycanlı loqoped olaraq Azərbaycanı xarici ölkələrdə ilk təmsil edən loqoped-defektoloq, ilk loqopedik maarifləndirici və autizm saytın qurucusudur (Autizm.az və Loqoped.az), ilk autizm əl kitabçasının, daun sindromu və nitq kitabının, Türkiyədə loqopedik kitabın müəllifi, ilk Autizm mərkəzi ictimai birliyin qurucularından biri, özəl defektoloji-loqopedik mərkəzin qurucularından biridir. Loqoped.az saytının təsisçisidir.